بسم الله
بإذنك يا رب قررت أنا المدعو سعيد انحراف أحد المؤسسين للحركة الصياعية الفنية في مصر القديمة و ضواحيها كتابة ذكرياتي على مدونة تمثل الموقع الفورماللي بتاعي
و ذلك بغرض تسجيل خبراتي اللي ممكن تفيد الشباب الضايع على العموم
إحنا بإذنك يا رب بنرحب بكل الشباب العربي اللي جي يقرا ذكرياتي، و احب اقول اني مش بس جي النهارده عشان اقول مساء الخير عليكي يا انترنت .. لا انا جي مخصوص عشان اقول ان النت بقت مراية البشرية اللي ماشية في الشارع. صور الشوارع و صور الناس بتشيش و الشباب القاعد على القهاوي مترمية في كل حتة في النت و بناء عليه فاحنا فضيحتنا بجلاجل
لازم ننسى موضوع الناس بتاعة برا و الناس بتاعة جوا دا .. يا بيه كل دي حجات فارغة .. دلوقتي الرقاصة الارجانتينية بتقطعلها في الثانية 3 تكات يعني بالمفتشي كده بتجيب وش فيفي عبده في مرمى شوبير، و الشاب الانجليزي اللي نازل بالاسموكنج من الطيارة الرويال على الشيراتون للأهرامات و مناخيره مرتفعة فوق سطح التراب المصري بينزل اخر الليل يهيبر من على القهوة عندنا و يعيش حياته و يتنعنش
ما هو لازم الانجليز برضو يعيشوا الحياة و يتنعنشوا
اصحي يا ايجبت القرن خلص و انتي لسه مصحتيش
هاينز في انجلترا النهارده حتعمل باك للفول المدمس و يتباع علب في السوبرماركتات و مش بعيد نلاقي كمان يومين الدنيا بتمسي علينا في السي ان ان و يطلعولنا بصورة فيكتوريا البيه الهجام بتاعة الحريم الحراقة او في قول اخر السباسيز جيرلز طالعة كده بتتبختر على الشاشة بسندوتش الفول المتعمر من طاسة هاينز
النهارده الشاب من دول عايش الحياة موبايل اخر موضة بنطلون اخر مكوة و مفاتيحة في جيبه و عربيته في جراجه و هوه مش لاقي القضا و عيشي يا دنيا زيه زي اي امريكاني في الوليات المتحدة الامريكية
محدش ميعرفش جورج بوش و محدش مايعرفش في امريكا شعبان عبد الرحيم و الدنيا خلاص بقت سداح مداح على رأي شاعر النيل عدوية
و هيه دي رسالتي للبقر اللي في البلد، الدنيا اتفحت و مصر اتجمدت يا كلاب
الاثنين، 9 يوليو 2007
الاشتراك في:
تعليقات الرسالة (Atom)
هناك 9 تعليقات:
هههههههههههههههه
ألف مبروك افتتاح المدونة
وصورتك لذيذة جداً
مين اللي صورهالك؟
في انتظار المزيد من الموضوعات اللي هي
خالص تحياتي
يا باشا والله الصورة واخدهالي الكاتب اللي بيكتبني و اللي ربنا كتب عليا اني اتكتب و اتصور على ايده .. و اللي اسمه شوقش .. بني ادم ممل.. لو عندك كاتب احسن و مصور احسن يا ريت والنبي تقولي عليه عشان انا زهقت
و يا باشا انا معاك بالروح و الدم و التابلويد و ارجو انك تكون برضو على اتصال عشان تقرا ذكريات شاب مصري بطناوي قديم و شكرا
الله الله
ده شكله بطناوي اصيل يا ياسور
كده شبرا والبطنيه اجتمعوا فاضل بقي اتنين من عزبه الصفيح وباب النصر وتبقي مجزره ههههههه
لسه حلمان بطارق استكاوزا من شوبرا النهارده بس الواد ده بقى ايه بقى .. علم و ادب و اخلاق و مخدرات بحق و حقيقي يعني مش اي حوار
عموما تشرفنا يا تامر بيه و يا ياسر باشا في اي قت في قهوة كريوستوفر بونابارت و ان مشلتش دماغكم الشيشة، نشلها احنا فوق جوينتاتنا
الرسمة دي بتاعة شوكش
أنا عارف اسلوبه طبعا .. سلمولي عليه والنبي
يوصل يا دوك و معاه معجنونين سنان كمان
ألف مبروك يامعلم ومستنيين نصايجك
صحيح السجاير والمشاريب على مين
أهلا بيك يا أسامة
خش يا عم المشاريب على قفى مين يشيل حد كان قالك ادفع حاجة
احدفه حتة ملف المستقبل افتتاحية السلسلة ياد يا كنسلة اما نشوف دماغه حتجيب لحد فين
اهلا بيك يا برنس فى عالم التدوين و بالنسبة دى انا عازم عندى انا جايب قرش نضربه انا وانت على الكنشة
متتأخرش
http://ana-7orr.blogspot.com/
سلام يا برنس
إرسال تعليق