سعيد انحراف

سعيد انحراف
خالص الحب و التقدير للشعب الكبير

السبت، 21 يوليو 2007

السعر الجديد للنت حراق قوي

بأمانة الموضوع ده لو عدى كده من غير ما يتحلق، تبقى البلد دي عليها العوض و منها العوض
اللي خد القرار ده مشكلته انه مش بتاع انترنت، ميعرفش ان مصر فيها شباب مدمن للنت زيه زي مدمنين المخدرات و العيال دي اصلا بتدمن النت لأن ده شغلها و اكل عيشها، خدلي عندك المبرمجين و النشطاء و المصممين و بتوع البزنس و المصانع كلها اللي بتسوق منتجاتها برة و الشباب اللي داخل على النت عشان يلعب جيمز و يتلهي عن السياسة و الاقتصاد بتوع البلد و مشاكلهم و التشات و السيكو سيكو امم
و انا اتحدىاي جهة احصائية ايا كانت انها تقدر تقول فيه كام واحد او مستخدم اونلاين من مصر

احنا معديين العشرة مليون بكتير كمان على النت و الكلام ده مش احلام اللي ينزل الجمالية و لا الباطنية و لا المرج و لا حتى السيدة حيصعق ان النت شغالة هيه و الجيمز على الاجهزة الله ينور

دلوقتي دي اكيد ثورة اتصالات .. اللي عايش على حس ان البلد بيستخدم الناس فيها النت 4 مليون بس يعيش مع مشكلته هوه ما دام مش قادر يحسب
انما بقى انك تقولي 45 جند لاتنين جيجا

معلش اقل واحد فيكي يا مصر بينزل فوق ال40 جيجا شهري

كام واحد بيقرا دلوقتي مبينزلش افلام و يسيب جهازه مفتوح اربعة و عشرين ساعة ؟

عارف ال 50 جيجا استهلاك دول حيدفعوك كام ؟
500 جنيه شهري

اطرح منهم بقى الاتنين جيجا المجانا الصدقة بتاعة الوزارة دي ولا تدفعها
براحتك بقى

يا جدعان فوقتوني الله يخرب بيوتكم

هناك 7 تعليقات:

امام الجيل يقول...

يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

haniesm يقول...

انا مبسوط يا سعيد بادمانك للنت
واهو احسن من ادمان المخدرات
بس تعتقد الوزير هيستجيب لنبضك ونبض الملايين اللي بتتكلم باسمهم
عاش سعيد انحراف
ويسقط...

سعيد انحراف يقول...

يا عمي انا نسيت الموضوع دا اصلا و رحت عشت في الدنيا بتاعتي، لازم تفوقني تاني

pause يقول...

NO DSL
25-8-2007
we will cancel and boycott the ADSL

Hope You'll Join

سعيد انحراف يقول...

فيه بلوجاية تانية حتتكتب قريب على الموضوع ده يا استاذ باوس و خليك على الخط معايا

بيس يا باشا

dr يقول...

wlahi klamak geh 3l gar7 yabu 7med we zy diman m3wetena enak betna2esh aham adaia esa3a btri2tek esakhera el khafifa eli betfkrni b7agat ma7mud esa3dany :-)))
mwdu3 el net dah fi3lan law mknsh fih w2fa hyb2a 3aleh el 3awad fil bald di homa yan3i mesh hayen 3alehom yesibu enas tefra7 b2y 7aga da hy2ta3u 3eshna welad el mo2zeya 7asbeyah allh wane3ma el wakil lazem ne3mel gam3eya bre2aset el me3alem sa3id en7eraf we n2ate3 el DSL tmmamn leghyet malsherkat di te2fel we myl2ush yaklu 3esh 7af...
we sob7an alh bya7dorni masal mo3aber awi fil wa2t dah,lil asaf men el wade7 en el 7okuma 3yza tesbet lil 3alam en fi3lan el
"ka7ka fi eid el yatim 3agaba"
h2ool eh rabena ytawla sha3bena el yatim.


best of luck in ur future writings abu e7med ...

سعيد انحراف يقول...

ربنا يكون في العون إن شاء الله